陳靜封胸攻神州

近年在影圈發展的女星陳靜(DaDa),明年將全力進軍內地,由於之前她的作品在內地廣受賞識,所以有不少內地電影、劇集及網劇向她招手,已有兩套網劇在手並擔任女主角的DaDa,更獲邀出席明天於北京舉行的《花椒之夜》擔任頒獎嘉賓,內地女星范冰冰、歌手周筆暢、薛之謙、華宇晨、林志穎、敖犬等過百紅星也會出席支持。

唔擔心要「賣肉」

DaDa受訪時承認還有幾部網劇及劇集洽談中,北京此行會順道跟內地導演見面傾談電影合作:「有部戲都傾緊,今次去北京正式同導演見面。我好期待同內地演員合作,一直都有留意內地劇集及綜藝節目,例如章子怡嘅《演員的誕生》,每次睇都可以學嘢同啟發到正面思想。我都係范冰冰粉絲,可以喺頒獎禮見到佢當然開心,佢嘅《武則天》我煲咗好多次!」

DaDa近年封胸減少性感示人,笑言在內地工作更不用擔心性感尺度問題:「真係好放心,因為內地尺度好嚴,所以我好開心,唔需要擔心要大解放!(去內地吸金打算再買樓?)冇諗,之前買嗰層我要供o架!全部血汗錢,所以要努力工作。」

文:專案組