吳若希怨老公：食煙好短命

吳若希、菊梓喬（Hana）、鄭俊弘、汪明荃和陳百祥等昨日到紅館出席節目《星光熠熠耀保良》拜神儀式。Jinny提到為無綫外購劇《那年花開月正圓》錄主題曲時，靠「幻想自己死老公」來代入女主角的感受，她笑言現實中也經常咒老公Alex，她說：「我成日都咒佢，因為佢食煙，會好短命。（唔怕佢嬲？）呢啲通常愈講得多愈唔會發生。」

菊梓喬歌衫少布

問到會否用愛心方法，誘使老公戒煙？Jinny說：「冇，所有循循善誘或者危言聳聽嘅方法都已經用晒，呢樣嘢要等到佢自己去到某個時候，個人突然間『化』咗，先可以改變到佢！」

同場的Hana早前自爆瘦到得80幾磅，面對紅館外的大風，她說：「我本身怕凍，最怕就係凍同肚餓，其他乜嘢都唔怕，我今日已經着多咗衫，演出嗰陣套歌衫更加少布，好似夏天衫咁，但唔緊要，最緊要靚！」

文：影視組