教定男友點求婚 馮盈盈想七影婚紗相

港姐馮盈盈昨日為婚紗騷擔任模特兒,她表示今次是首度行婚紗騷,心情緊張又開心。談到心儀的婚紗款式方面,馮盈盈坦言想要古董婚紗,她笑說:「最好係十幾世紀,乜乜夫人着過嘅,比較有意思。我同男友講,如果要求婚,要準備定古董婚紗、古董戒指同攝影師。」她又指已構思定將來的婚禮:「想喺海外搞個小型婚禮,因為我爸爸好憎擺酒,佢話坐成晚好攰,所以唔會擺酒,我會將擺酒嘅錢用嚟影七輯婚紗相,去唔同地方影唔同主題,仲拍埋微電影。(會唔會嚇怕男友﹖)我同過佢講,可能要籌備到2046年。哈哈!」