湯怡爆洪卓立瞓身搞電競

湯怡（Kathy）、陳家樂、麥子樂（Bryant）及衛詩雅（Michelle）昨日出席《英皇電競菁英盃2017：皇者之路》總決賽，何超蓮亦有到場支持。Kathy坦言為男友洪卓立成為英皇電競戰隊G-Rex合作人而開心：「佢隊G-Rex簽咗打機好勁嘅隊員。（用咗38萬港元？）值得嘅。」家樂則透露獲女友余香凝送贈遊戲機，他不停打機，令父母看不過眼，即解釋打機比拍戲賺得多錢。
麥子樂（左起）、衛詩雅、湯怡與陳家樂均認為電競比賽「錢途」無限。
麥子樂（左起）、衛詩雅、湯怡與陳家樂均認為電競比賽「錢途」無限。

Bryant受訪時提到日前拍電台實況劇，本來要拍攝前「包山王」黎志偉遇電單車禍的場面，期間駐場救護員告知附近發生致命車禍，他直言心情沉重。而Michelle自爆沉迷手機遊戲《傳說對決》，還經常與Bryant對打。Bryant直言想參加公司內部的打機比賽，因為有假期做獎品，覺得比獎金更吸引。

何超蓮到場為參賽者打氣。
  • 何超蓮到場為參賽者打氣。
洪卓立（左）睇好電競前景，投資電競隊伍G-Rex。
  • 洪卓立（左）睇好電競前景，投資電競隊伍G-Rex。