泳兒目擊酒店空櫈自轉嚇到心驚！
歌手泳兒昨日於社交網上載一段疑似靈異片段，片中只見一張單人梳化櫈「離奇」自轉長達十秒，有不少網友看完都表示「巧驚驚」！泳兒受訪時亦大爆多一宗自動鎖門事件，不禁令人「毛管戙」。
近年有不少歌手、藝人北上工作搵人仔，泳兒亦不例外，她昨日於社交網上載疑似靈異片段，背景為內地酒店房間內，一張紅色的單人梳化櫈擺放於陰暗角落，加上黃色燈光映照底下，似足拍攝鬼古的場景。片段一開始只聽到電視聲，其後看見無人坐的梳化櫈「自動」慢慢轉動，時間長達十秒，「自動櫈」直到最後面向窗口便停了。如此陰森恐怖的場面，難怪一班網友看完都留言表示心慌慌！不過當中亦有網友「突破盲點」，懷疑梳化櫈下裝有圓盤，構造與圓形床相若，所以會自轉。
泳兒昨日接受電話訪問時，指梳化櫈非電動櫈，而且聽到有人叫了一聲「唔好再轉」就停了：「張櫈係喺化妝師間房入面，佢好勇敢，咁都冇要求調房。但其實自己間房都有張同款嘅櫈，不過就唔識郁。」問到是否覺得是靈異事件？泳兒表示只可以用「無法解釋」來形容，並指起初看片段時都感到害怕，但因不是自己房間內發生，故心情才得以平復。
廁所門離奇上鎖
此外，她又大爆另一宗「離奇」鎖門事件：「唱片公司同事住嘅間房入面，個廁所門會自動鎖咗，之後仲開唔番，好彩自己係同助手同房，冇遇到呢啲事。」
文：音樂組