童顏模特兒張穎沁（Pamela）育有一歲兒子Adam，最近她推出新書分享新手媽咪的心路歷程，並有實用教學，請來營養師寫孕婦、初生媽咪及不同時期BB的餐單，還分享幫BB影相的竅門及教未收身的媽咪襯衫秘訣。

講到首次做媽咪，性格樂天的Pamela表示分娩後有半年時間陷入抑鬱，要接受心理輔導：「我順產唔到，最後要開刀，第一次搽藥膏嗰陣爆喊，喊住話唔會再生！跟住每次餵人奶都覺得好辛苦，又喊，接受咗兩次輔導，加上老公有買嘢氹我，小朋友一路大開始畀到反應我，覺得佢好得意，先慢慢冇事。」

化妝及髮型：Candy Lam