曹永廉寧做「貓爸」幫仔女轉校減壓
藝人曹永廉與9歲囝囝曹保熙早前父子檔擔任聖誕巡遊活動嘉賓。與姜依蘭婚後育有一子一女的阿廉拒做怪獸家長，除了不想讓仔女上太多補習班或興趣班外，還特意為他們轉去讀半國際學校，還小朋友一個正常的童年！
曹永廉早前帶同兒子曹保熙為「太古城中心聖誕光影樂園」擔任巡遊活動嘉賓，兩父子齊齊玩5米高巨型投影滑梯，又在14米高的光影聖誕樹下留影，更與一班舞蹈員及聖誕老人跳舞，開心又好玩！阿廉表示聖誕節要為無綫新劇《包青天再起風雲》開工，故提早帶仔仔買聖誕禮物，又希望屆時能與家人一起吃聖誕大餐。
談到兒子保熙已經9歲，幼女曹曦文亦已6歲，兩人就讀同一小學。外父姜大偉曾抱怨因孫仔孫女轉校而少見面，阿廉坦言這是用心良苦：「係少見咗！因為幫佢哋轉咗去一間半國際學校讀書，唔想佢哋咁大壓力、咁辛苦！」又拒絕做怪獸家長，即使仔女參加興趣班，亦是他們想學才學！
爆兒子有興趣入行
保熙與曦文在演藝世家長大，父親與外公都是演員，外叔公爾冬陞與秦沛亦分別是名導演及資深演員，堂姨姜麗文亦是歌手。不過，阿廉並不想仔女入行，故好幾年沒有帶兒子出席公開活動，但沒想到他竟對娛圈有興趣，阿廉說：「最緊要係讀晒書，第時如果佢要入行，唔會阻止佢，但會同佢分析好定壞！」
文：影視組