陳嘉寶約老竇食飯 照擺十圍
歌手江若琳（Elanne）、陳嘉寶（Anjaylia）、Aka@Super Girls及杜德智，昨日出席醫學美容發布會，Elanne與Anjaylia均性感亮相，分別穿上白色露肩上衣及黑色吊帶短裙，非常養眼！新婚的Anjaylia表示自新婚後到現在還未能回氣，因為有太多朋友由外地返港出席婚禮，所以要逐一酬謝，笑言：「我爸爸長時間喺內地工作，所以叫我返廣州同佢啲朋友食餐飯，我同老公都有去，但係竟然有十圍，心諗食餐便飯都有十圍，但係都好開心。」
談到度蜜月，她坦言因為工作排得密麻麻而未能成行。說到婚後生活，她透露跟過往沒有太大分別，她大讚老公特別請了女室內設計師來設計新居，還讓出衣帽間的空間給她：「睇到新廚具就會諗究竟係咪要煮吓嘢食，不過依家要工作，未需要面對現實住。佢煮嘢好叻，之後啲廚具都係佢用。佢好Sweet，搵咗個女室內設計師將大部份衣帽間空間撥歸我，老公都問點解佢衣帽間得咁少位？」
江若琳拍拖歐遊 唔會瞞婚
Elanne透露剛剛與男朋友蕭潤邦（Oscar）去了荷蘭和英國旅行，前晚才回港，更因時差關係而致失眠。Elanne指今個行程滿足了男友兩個願望，就是親臨曼徹斯特奧脫福球場觀賞愛隊曼聯的球賽，以及欣賞雪景，笑言：「落大雪有好多班機都會取消，今次旅行貴過乜，好彩返到嚟出席個活動。」問到今次去旅行可有開展造人計劃，她說：「冇啦！（意外？）睬！唔好啦。（秘婚？）唔係唔係！呢啲開心事留番同大家分享，我哋唔會咁冇義氣自己做。」她更自爆今趟旅行日吃四、五餐，所以增磅不少，回港後會積極減肥。
文：音樂組
攝：吳文聰