藝人羅霖與「仁美清叙」主席程瑤早前開Live分享護膚心得，程瑤大爆當年拍攝選美特輯時的趣事：「羅霖唔單止贏咗冠軍，佢仲贏埋另一個比賽！當時大家等埋位時玩拗手瓜打發時間，結果羅霖竟然贏咗被視為大熱嘅王瑋！」羅霖笑言幾乎已忘記：「睇唔出我咁大力呢？當時我仲變咗『生人勿近』，工作人員都唔敢埋我身。」