女星張文慈曾經歷遭男友迷姦外，自爆被童黨長期欺凌長達四年，試過被打到「爆缸」入院，雖然身心留下永不磨滅的傷口，但她仍勇敢站出來，呼籲受辱者切勿啞忍，更痛斥施暴者：「佢哋一啲都唔型！」
現年46歲的張文慈（Pinky）日前接受電台訪問時，除了提及17歲時被男友迷姦的慘事，更自爆讀小學二年級開始，被屋邨的童黨日日拳打腳踢，身體及精神受百般折磨，她說：「我被打到流血、被吐口水，甚至逼我飲拜神嘅燒酒。」昨日Pinky受訪時談到當年家人為口奔馳，自小要獨自從屋邨寓所步往附近的小學讀書，她說：「第一次被人蝦係幾個大我2、3歲嘅童黨問我去邊，之後打到我流血，因為喺學校門口發生，老師見到幫我報警，仲入埋醫院驗傷，佢哋有問我告唔告佢哋，我好怕被尋仇，又唔想搞到屋企人，所以冇追究。」
豈料Pinky的畏縮釀成「見一鑊打一鑊」，慘遭童黨用盡方法折磨：「有大鑊有細鑊（指受傷程度），詳情同喺邊條屋邨發生，我唔想再講，因為係個烙印，直至讀完小學先冇被人打。」
事隔多年，Pinky表示每當看見學生被欺凌的新聞會好嬲，她呼籲：「被蝦嘅人唔好再啞忍，怕事只會助長佢哋蝦得你更犀利。」問她現在可會追究當年的施暴者？她表示信主後學懂寬恕及原諒別人，但認為現時的欺凌事件跟她所遭遇的不同：「我受皮肉之苦，但依家啲人直情攞你命，我好感恩發生喺以前唔係依家，嗰時蝦我啲人，睇得出有啲係環境所逼先夾埋打我。」又強調舊事重提並非博宣傳，只是節目有機會在外地播出，望信主或未信主的人接收到正能量，她更說：「嗰個打我嘅人真係一啲都唔型。」至於她爆出17歲被迷姦後，承受外界、家庭及公司的沉重壓力令她想過自殺，幸好有信仰支持才走出陰霾。
文：音樂組