鄧佩儀鍾意胡鴻鈞撩合作
鄧佩儀前晚密實現身網劇宣傳活動，被以劇中性感造型示人的張曦雯搶去不少風頭，鄧佩儀又表示有留意胡鴻鈞於劇集《降魔的》的演出，大讚對方演技，更點名希望能合作。
藝員楊潮凱、鄧佩儀（Gloria）及張曦雯等前晚到馬鞍山出席big big channel劇集《降魔的番外篇—首部曲》宣傳活動，張曦雯以劇中性感造型現身，令Gloria被比下去，但她未有介意，指應該留意劇情：「我哋套劇有好多好靚嘅嘢睇，好似搞笑嘅情節、畫面、服裝各方面都非常特別。」而張曦雯對於網民指遲遲未見她於劇中登場，她解釋自己飾演「魔界女王」，並笑說：「Final Boss（終極大佬）梗係最後先出場，總之出場嗰下係型同最勁嗰個就得。」兩女又表示希望可以參與拍攝第二輯，張曦雯說：「應該會幾好玩，同埋我哋呢個班底玩得好開心，好有感情。」至於想跟哪些藝人合作，Gloria即說：「胡鴻鈞！佢喺《降魔的》石敢當個角色演得非常之好。」而張曦雯則讚獲提名台慶頒獎禮「最佳男配角」的何遠東表現出色，是她心中得獎人選之一。
楊潮凱驚馬國明「搶位」
楊潮凱透露《降》結局會有感動位，更自爆拍完後喊了很久，並暗示或會有第二輯：「知佢哋（劇組）有好多諗法，聽講二部曲好似話希望可以加多啲唔同嘅同事入嚟玩。（邊個？）未知，但袁偉豪同我講話下次開二部曲預埋佢。」至於會否希望電視劇版的藝員能參與二部曲，他笑說：「我驚馬國明嚟咗我冇地位，當然佢加入我都求之不得啦！佢之前又幫我哋客串，大家都玩得好開心。」
文：影視組