破「網」而出！陳豪學識呃Like

藝人陳豪前晚到銅鑼灣出席活動，宣傳其個人咖啡品牌的Pop-up Store，並即場調製特色咖啡。他自言向來較低調，但人愈大開始改變想自我宣傳，最近兩星期落力玩社交平台：「藝人中我算慢喇！我依家開始識呃Like。（被太太陳茵媺感染？）唔係嘅，我係時候要醒，收埋自己太耐。」他又指其咖啡工場開了九個月，現時有意開實體店，故開始搵舖位，問到有否考慮推出適合小朋友的咖啡？陳豪坦言有想過，但始終有咖啡因，只能給兒子飲朱古力：「不過都想訓練囝囝了解多啲咖啡！（開定三間咖啡店畀三個仔女？）三間太少喇啩，哈哈！」