貴錶都唔要！黃美棋叫男友送層樓
藝人黃美棋日前出席手錶品牌活動，她表示有收藏手錶的習慣，特別喜歡玫瑰金色手錶及飾物，但只會收藏而不會戴出街：「試過生日收手錶，當年戴住新錶坐飛機返美國開學，點知落機就見到有幾條花痕，個心痛一痛！之後收到手錶都小心翼翼，如果工作需要都只會戴幾個鐘就放番入盒！」
問到會否想收到男友送貴重手錶做禮物？她笑說：「唔通帶層『首期』出街咩？我冇咁誇！佢有呢個心，我寧願佢真係送層樓畀我！哈哈！手錶只要簡單型格就OK！」講到聖誕臨近，美棋表示正物色禮物給男友鍾健威，指對方亦喜歡收藏手錶，而且身兼司儀及樂隊主音工作，可以不同手錶配襯，故考慮買一對情侶手錶。