陳勳奇抗癌成功：我任務未完
導演陳勳奇早年患上「甲狀腺未分化癌」，一度暴瘦，直至早前終康復並復工，昨日他穿上厚褸出席追思會，見他步履輕盈，精神不錯。受訪時，他提到與方逸華的往事：「方小姐生前對我好好，趕到嚟係緣分，反而陳自強出殯時就喺北京趕戲嚟唔到。我15歲加入邵氏，以前我好反叛，成日激佢（方逸華）又做錯嘢，多謝佢原諒我。」
談到抗癌路，他直言一度以為自己會死先，幸最終康復：「老天爺信我任務未完成，過去呢十幾年，喺內地都有關心下一代，題材都係正能量，自己會繼續做好呢個任務。（依家身體點？）已經復原，老虎都打得死，成龍叫我唔好死，話《十二生肖》仲要我拍，王家衛都叫我唔好死，《一代宗師2》要拍嘅，所以依家有兩大任務喺身。」