曾華倩夥拍靚仔 倒貼都做 朱慧敏任主持 自由度高

亞視「復活」，各方藝人紛紛埋班，曾分別效力無綫及亞視的曾華倩，受訪時坦言合約已傾得七七八八，會參與主持工作：「仲欠啲細節！18號記者會見到我即係傾掂。（欠乜嘢？錢？）我同吳雨講如果有呢啲咁嘅條件，我就無條件倒貼都做，吳雨大哥睇住我哋大，梗係要畀番好大面子佢啦！」再追問華倩究意欠甚麼細節時，她又笑說：「我同佢講，要介紹個靚仔畀我識，要有梁朝偉嘅電眼、金城武嘅外形、張學友嘅專一、郭富城嘅舞姿，呢個世界都好難搵到咁Perfect(0架)嘞！搵唔到佢就要滿足我其他方面嘅條件，可想而知我開嘅條件有幾辣！」