趙頌茹（阿Yu）昨日出席聖誕活動，現場有東歐柔術組合表演。阿Yu自嘲一把年紀，筋骨不夠柔軟，就算拉筋都做不到一字馬：「我知自己缺點硬骨頭，所以叫兩個女學芭蕾舞，佢哋學咗三年做到一字馬。」又透露聖誕後女兒要考試，故留港溫習，但會帶她們看燈飾：「佢哋叫我買聖誕卡同聖誕樹，但冇位擺聖誕樹。（使費大？）會呀，咁平時少出街，節日補番啲。」
