李佳芯驚捧蛋靠乞 王浩信向囡囡同學埋手
「新加坡視帝、視后」王浩信、李佳芯昨晚出席無綫盆菜宴活動，面對眾多資深對手，佳芯笑言會為自己拉票，免得屆時捧蛋。而浩信忙於拍劇，笑言陪女兒面試時向同學仔拉票！
藝人王浩信、李佳芯、朱千雪、黃心穎等昨晚出席「TVB職藝員聯歡晚宴2017」，現場筵開206席，有約2,400位職藝員同事出席。席間無綫行政總裁李寶安公布好消息，指今年一定有至少一個月的花紅，薪酬亦會調整2.5%，所有員工即時歡呼喝采。
「新加坡視后」李佳芯今年憑《誇世代》角逐無綫視后獎項，她坦言已經很開心：「其實今年係Bonus！已經超額完成。（喺台上點拉票？）未諗到，叫大家施捨個發財錢啦！上去諗到乜就講乜！今次對手太強，我反而睇好田蕊妮嘅《迷》，佢係一個好好嘅演員同對手。」她笑言亦會為自己拉票：「因為唔想出現0票數，自己拉少少，幫人拉多啲！」
朱千雪自嘲陪跑
而浩信被問到會否上台拉票，他說：「一直抱住隨緣狀態。自己唔會Hard Sell啲乜。」講到視帝勁敵馬國明前晚出招，與女友黃心穎互相拉票，問會否叫太太陳自瑤幫手時，浩信說：「盡量啦！因為自己都好忙，嚟緊12號都要同個女去學校面試，可能到時向啲同學仔拉票啦！」
而朱千雪對於公司有花紅感開心：「幫補一啲學費啦！」首次提名女配角獎項的她，自嘲只是陪跑一族。
麥明詩唔怪林作媽
至於麥明詩被問到早前自揭曾遭受性侵，引發其母親與前男友林作的母親隔空罵戰，她表示不欲再評論：「發生乜嘢事自己最清楚。（媽咪為呢件事而喊？）大家有互相安慰，自己唔會再提呢件事，人要向前看。」問會否怪林作的母親，她說：「呢一行令我學識唔好太介懷。」
文：影視組