陳敏之黃長興幫仔女對親家

藝人陳敏之昨日在銅鑼灣出席聖誕市集活動，為自己的曲奇品牌攤位打氣，在附近宣傳其餐廳攤位的黃長興亦現身支持。兩人碰面即雞啄唔斷，更勁開心交換禮物。敏之坦言下年打算在港島開分店，問兩人會否Crossover？敏之即指對方叫到就乜都幫：「同埋佢生意真係愈做愈大！」會否對埋親家？敏之笑說：「我個仔應該對到佢個女，唔知佢個女會唔會吼我個仔。」長興聞言謂：「一定得，冇問題！」
陳敏之打算下年開曲奇餅分店，生意可謂愈做愈大。
陳敏之打算下年開曲奇餅分店，生意可謂愈做愈大。

提到敏之主演的無綫台慶劇《溏心風暴3》未創收視高峰，她即指或因觀眾收睇劇集方式已改變：「我知嘅係劇集喺內地嘅點擊率好高，我淨係記到呢啲開心嘢！」客串演出的長興則說：「唔係我嘅責任吖嘛？」非常搞笑。

黃長興和陳敏之見面即雞啄唔斷。
  • 黃長興和陳敏之見面即雞啄唔斷。