藝人周家蔚、林盛斌（Bob）及張頴康昨日分別帶仔女出席商場活動，期間周家蔚大仔洪大仁表現活潑，不斷玩手上的玩具，兼且表情多多，非常可愛。家蔚透露老公洪天明將到內地及馬來西亞工作，但聖誕節會騰空幾天與家人出埠，有意到韓國或三亞旅行，問到兩個囝囝可明白爸爸的工作性質？家蔚笑說：「都明嘅，有日Auntie問大仁『爸爸係做咩？』大仁就打功夫，再問『爺爺做咩？』佢又打功夫，但我都有解釋，爸爸係拍Movie嘅。（畀佢哋做童星？）冇問，不過大仁都有表演欲，但未夠定去做童星。」
