莊端兒20萬割膽靠阿媽接濟

藝人徐子珊、名模貝安琪、姚書軼及莊端兒等昨日出席第五屆香港珠寶小姐競選總決賽，她們大鬥性感，徐子珊穿低胸裙、姚書軼則穿高衩裙晒腿，而前珠寶小姐莊端兒最有睇頭，以透視薄紗裙上陣，透出裏面的一件頭泳衣，騷胸又露腿。

莊端兒獲讚打扮性感時，她笑說：「件透視紗平時冇機會着，我着咗件泳衣就唔怕走光，落水都唔怕濕。」由於她與諸葛紫岐公司發生合約糾紛，故現時沒有接工作，大部分時間陪媽咪：「冇拖拍先發覺家人好重要，媽咪腸胃有問題，需要調理身體，而且有三高，怕佢中風入院，我上年都入院割咗個膽，使咗二十萬手術費，扣咗保險都要畀四、五萬。（你冇工開，咁生活費點？）都係食媽咪，過埋今年先做嘢。」談到她與諸葛紫岐公司的官司進展，她坦言：「仲有官司同合約，但簽咗保密協議唔講得。」

徐子珊表示晚裝特地在馬來西亞訂造。	名模姚書軼以小蠻腰突圍。	貝安琪性感現身，相當吸睛。

貝安琪明年舉行沙灘婚禮

擔任評判的徐子珊自嘲身材「冇乜嘢睇」：「唔係好身材，呢件衫特登為呢個活動喺馬來西亞訂造，改到弗為止，用環保物料有機棉。」談到其珠寶生意，她直言有不少品牌找她合作，但未有時間處理，因為前日才考完心理學碩士考試，又要回內地拍網劇及到北京參演綜藝節目。雖然投資過百萬的珠寶生意已回本，但她直言怕捱貴租故不會開實體店，仍會繼續網店生意。

另外，姚書軼透露與拍拖一年的圈外男友未有計劃結婚：「十劃都未有一撇，拍拖唔係要即刻結婚。（係咪結婚對象？）好難講，唔可以依家決定，要慢慢行落去，我唔心急，家人畀我調教後都冇以前咁心急。」同場的貝安琪計劃明年五月結婚，希望在沙灘舉行婚禮，未婚夫亦會設計婚戒。

文：名人組