歌手陳柏宇昨日到邵氏影城為即將舉行的紅館騷綵排跳舞，期間被男舞蹈員抬高。他接受訪問時預告開騷露肉：「露少少豬腩肉、少少波罅，都有老鼠仔。（除衫騷肌？）有機會，唔介意畀人睇我除衫，但覺得開演唱會除衫好似成為咗慣例，我想打破呢樣嘢。」記者打趣叫他嘗試除褲，他笑言：「係啦，唔除都着條有咁短得咁短嘅褲。」
