「出貓」賓爺撩子丹過招
藝人薛家燕與泰國電影《出貓特攻隊》男星「賓爺」查朗桑提納托古Chanon Santinatornkul（Nonkul），昨日到鑽石山出席「荷里活廣場Ⅹ賤萌熊 舞動爆笑聖誕」啟動禮。Nonkul跟薛家燕學跳十字步，又跟賤萌熊跳賤萌舞，場面爆笑。
Nonkul透過翻譯接受訪問，問到跟薛家燕學跳十字步有否困難？他笑說：「跳舞唔叻，我雖然年輕啲，但好似被比下去。因為之前冇練習，初時跳有少少難度，之後望多幾次OK。其實個舞步好簡單，好容易上手。（希望嚟香港拍電影？）嚟香港拍電影係我嘅夢想，由細到大都睇好多香港嘅電影，自己偶像係甄子丹，好想同佢合作，最鍾意佢嘅《葉問》。」
古老當時興
薛家燕透露12月除了再主持新一輯無綫節目《流行經典50年》外，還要拍賀年節目及微電影，聖誕又會首次推出自家曲奇餅，忙個不停。提到她學跳賤萌舞，薛家燕笑說：「其實啲舞步好似我哋以前跳嗰啲A Go Go動作，依家古老當時興。佢（Nonkul）都話想學十字步。我嘅十字步大家都認識，依家可以話衝出國際，其實香港人得閒都應該跳吓十字步，係好好嘅運動，有益身心。」
文：影視組