Ben Sir粗口騷拍到啪啪聲

藝人歐陽偉豪（Ben Sir）於明年1月在伊館開Talk Show，昨日開記者會時，他指今次會將粗口提升做主題，問到是否不用再以「拍手」來代替粗口？他說：「以前就孤掌難鳴，今次有三千人一齊同我拍，應該係拍到啪啪聲。」屆時他會演唱張國榮的歌，更不會改歌詞，原汁原味唱出。這次可會請季蘋蘋、林穎彤、麥美恩及陸浩明任嘉賓？Ben Sir笑言：「一請就要請晒四個，好貴呀，自己食晒好過喇。（無綫有限奶令？）我哋呢度有奶粉飲，可以頂吓肚，我都人生五十年華，所以台上冇咩限奶令！」