CK@SM做老竇「合約」送上門

樂隊Supper Moment前晚出席活動，三缺一不見低音結他手CK，三子即代CK報喜，因對方剛榮升做老竇，要在醫院照顧太太及BB。三子稱：「佢之前已經講呢幾日老婆生得。（係咪一索得男？）佢只係話個BB好多頭髮咋。」打算送甚麼賀禮？三子笑說：「我哋會送份合約畀佢個BB，簽咗佢先。（爭住做契爺？）會呀，爭住做啦，我哋三個變福祿壽，不過都未去醫院探BB，但聽CK把聲就好興奮。其實佢當日公布老婆有喜，佢嗰時嘅笑容係我哋從未見過，係好開心嘅，咁佢本身好鍾意小朋友嘅。」問到新任爸爸有幾多日侍產假？三子笑言：「聽日要影相，佢要返工，所以冇得放，今日當放咗。」