陳淑芬:唐唐照顧病重張大姐

張國榮經理人陳淑芬對於張綠萍離世大感惋惜,指兩姊弟感情要好,張國榮覺得姐姐好傑出,引以為傲。談到張國榮的至愛唐鶴德(唐唐),陳淑芬說:「據我所知張大姐(張綠萍)視唐唐為一家人,彼此感情好好,張大姐病嘅時候,唐唐經常有去陪佢、照顧佢;消息出咗之後,北京、上海嘅哥哥Fans,都有託我向佢家人慰問,對於張大姐嘅離開感到好惋惜,希望佢嘅家人節哀順變,保重身體!」

張綠萍對社會貢獻良多,陳淑芬說:「令我作為一個女性引以為傲,印象中張大姐性格非常爽快坦率,同佢傾偈感覺佢好叻,囗才了得,講嘢好有感染力,見識廣博。」