張國榮胞姊張綠萍病逝 畢生精彩 遺憾未圓弟心願

張綠萍的長女、張國榮的外甥女麥嘉軒昨日親證母親逝世的消息：「媽咪係25日晚上11點幾喺養和醫院因肺病去世，佢走嘅時候，全家人都喺佢身邊，我孖生妹妹喺英國定居，都趕得切返嚟見最後一面。媽媽人生好精彩，可以話不枉此生，冇乜遺憾。（全家已經有心理準備？）係，因為媽咪2015年8月已經發病。（佢有乜遺言？）佢都話冇牽掛，冇乜嘢要交帶，媽媽對人生嘅態度好積極，雖然做人係有挫折，但佢唔會因為咁而放棄，佢好有上進心，會不斷改善自己。」喪禮已定於12月20日在香港殯儀館設靈，21日出殯，採佛教儀式進行。

經歷兩段婚姻

張綠萍是家中長女，與最細的細佬張國榮年紀相差16載，但感情特別深厚，更一直視張國榮的另一半唐鶴德為家人。她於1974年擔任香港消費者委員會首任總幹事，同時積極參與婦女界事務，是前婦女事務委員會委員，兼「國際婦女論壇」的全球副會長，1978年獲選為香港十大傑出青年。曾經歷兩段婚姻的張綠萍，第二任丈夫麥法誠是前香港政府運輸司，第一段婚姻誕下孖女麥嘉軒及麥嘉殷，孖女與舅父張國榮感情深厚，張國榮離世後，孖女繼承了部分遺產。

張綠萍與張國榮一起旅行及小時候的珍貴合照。	放大圖片	張綠萍的女兒麥嘉軒指媽咪一生活得精彩。

弟算命到46歲 難過！

電台DJ車淑梅與張綠萍同是傑青，她指對方幾個月前突然退出傑青電話群組，私下聯絡時，得知對方因病要靜養，車淑梅曾在節目《舊日的足跡》中訪問張綠萍：「佢提到當年張國榮契媽曾經攞細佬嘅時辰八字去算命，算到張國榮只係去到46歲，張綠萍仲安慰細佬，可能有更精彩嘅另一頁呢……講到呢度，張綠萍停咗好耐，係咁喊，好難過。」張綠萍又大讚張國榮是個貼心的弟弟，曾送她一個布製相架，內裏放了她的婚紗照及張國榮兒時照，是她視為最珍貴的禮物！而令張綠萍唯一最後悔的是2002年沒有答應與張國榮到澳洲生活，若當年移民，歷史可能改寫。

文：名人組