馬國明撩撩黃智雯露點：多人睇！
「男神」馬國明與黃智雯前晚相約飯局睇孭飛作的大結局，期間黃智雯口痕建議馬國明露點祝捷，卻反被對方指她裸露較吸睛，令她哭笑不得。對於有機會問鼎視帝，馬國明表示講運氣，一切隨緣。
馬國明、黃智雯、謝雪心、蔣志光與何遠東等前晚出席劇集《降魔的》大結局飯敍，由早前於EYT贏得獎金的謝雪心負責埋單，身為主角的馬國明表示稍後會再請食飯。談及劇集叫好叫座，馬國明坦言對大結局的收視沒想太多，智雯則口痕笑說：「如果收視高啲，不如你露兩點答謝觀眾！」他聞言即反擊：「你露多啲人睇喎！」認真抵死！
攞視帝？好多人爭！
對於劇集尾段似有伏線，問到可望開續集？馬國明說：「呢啲要睇監製，雖然好多角色都死咗，但因為係講鬼，其實可以繼續寫落去。（有信心攞視帝？）隨緣啦！演員只可以盡力去做角色，攞獎就真係要講運氣。好似大家話今年係我同王浩信之爭，但馬來西亞視帝就由苗僑偉攞咗，其實仲有好多人爭o架！」他又指該劇因後期製作延後才變成台慶劇，非大卡士的情況下獲得如此成績，已經喜出望外。黃智雯則希望該劇能於明年初的頒獎禮獲「最佳劇集」。
至於因劇中的催淚戲而被網民熱捧為「綠葉王」的何遠東，笑言儼如由喜劇系變成催淚系演員：「綠葉王就真係唔敢當，戴耀明先係王！（有信心攞男配角？）有得提名已經好叻，有獎當然好開心。（想開續集？）我想試吓做精靈，最想做『石敢當』，試吓吊威吔。」
文：影視組