余文樂怨JM：佢好少做宣傳
余文樂、文詠珊（JM）、張晉及蘇麗珊主演的電影《狂獸》，前晚於奧海城舉行首映禮。由於JM早前因患手足口病而缺席宣傳活動，當余文樂被司儀問到與JM在戲中的關係時，他即埋怨對方少現身宣傳：「你問多啲佢，佢好少嚟做宣傳。」隨後他補鑊讚JM是好演員，相當捱得。
余文樂受訪時被問到是否怪JM少出席宣傳？他笑說：「原來我怪錯咗佢，啱啱先知佢之前患咗手足口病要隔離。」JM則說：「隔離咗好耐，唔可以出街，休息咗一段時間，所以做唔到宣傳。」
蔡少芬：我唔會丟低老公
張晉獲老婆蔡少芬（Ada）撐場，兩人穿情侶皮褸裝亮相外，連髮型都襯到絕，Ada笑說：「佢個髮型係我幫佢整嘅，整完覺得幾好睇，咪幫自己整埋。」又透露大女近日發高燒燒了五日，最高試過41℃：「成身好熱又震晒，真係好驚。爸爸幫佢抹身，我見佢唔郁即刻嗌佢，好彩佢仲識叫媽媽，食咗兩種抗生素，依家好番。」她隔離細女避免傳染，卻惹來細女呷醋，她笑說：「細女話家姐好幸福，有爸爸媽媽錫，要解釋番畀佢聽家姐病咗好慘。」
Ada透露聖誕節一家人可以一齊去旅行，記者踢爆她曾想過賣甩原本要開工的張晉，她即瞪大雙眼示意記者不要再提，張晉對蔡少芬說：「你唔係賣甩我嘛？」她即撒嬌說：「我從來都唔會丟低老公嘅。」
文：影視組