香香「被有喜」嚇呆：自己都唔知！

無綫劇集《翠華餐廳五十周年呈獻：溏心風暴3》演員李司棋、夏雨、米雪、關菊英、黃宗澤、王浩信、岑麗香、黃翠如、陳敏之及阮兆祥等，昨日出席宣傳活動。期間司儀蔡康年大整蠱宣布香香「有喜」，現場當堂靜了片刻，香香亦呆一呆，米雪及關菊英隨即上前關心「喜訊」，原來只是蔡康年搞爛Gag為她補祝生日！

突然「被有喜」的岑麗香受訪時笑說：「我都呆咗，自己都諗有咩？點解有咗我自己都唔知嘅？都嚇咗一跳，原來係講生日，哈哈！生BB順其自然，唔想有太多壓力。」又透露生日當天要綵排台慶，回家與老公強強叫外賣，稍後才補祝生日。

關菊英接Order減磅

而黃宗澤一拖九位美女出場，劇中更艷福無邊，但他笑言拍攝時壓力很大，因對手不是人妻就是阿嫂，其餘的女藝人則不熟稔，如港姐馮盈盈，兩人未見過面就要拍親熱戲！他又笑言與黃翠如相熟，拍親熱戲時反而沒有壓力，翠如笑說：「全部都係我做主動，所以佢冇壓力，我有壓力！佢好難嗒，劇中好抗拒我。」提到無綫近日發出「限奶令」，對劇集可有影響？黃宗澤笑說：「啱啱喺內地返香港，唔清楚。男藝人列唔列入限奶令？劇裏面不斷除衫，不過我係胸，唔係奶。」

香香同成班拍檔慶祝「喜事」，就係切蛋糕慶生喇！	香香同王浩信咁親密，唔驚強強呷醋？	翠如主動出擊，想盡辦法嗒黃宗澤。

至於夏雨表示充滿信心，對收視沒有壓力，因內地單計宣傳片點擊已逾四億。關菊英則大爆拍攝時的趣事，最初以為拍劇辛苦會消瘦，豈料愈拍愈肥，李司棋更命令她減磅！

文：影視組