Ryan孖烏克蘭美女唧雞鼻涕嚇到喪嗌
中國傳統菜博大精深，要成為一個出色的中菜師傅，走的路及歷練猶如學武之士，恒心及毅力不可缺少。正所謂「台上一分鐘、台下十年功」，一班粵菜師傅找來兩位「鬼鬼地」的小廚師做接班人，當外國人遇上傳統中菜師傅，自然擦出精彩火花。先有「小煮角」Ryan被唧雞鼻涕嚇到驚呼狂叫；烏克蘭美女則炒飯着火，嚇到花容失色。
中國菜對東南亞地區的飲食文化有着深遠影響，更是世界三大料理之一。由五位粵菜師傅組成的「中菜聯盟」，為了尋找新一代接班人，決定進行網上招徒，結果吸引第一屆「小煮角」冠軍Ryan重臨ViuTV，與熱愛下廚的烏克蘭籍美女Victoria攜手炮製飲食節目《鬼鬼地‧煮乜簋》，兩人落手落腳拜師學煮幾味中菜。
「小煮角」冠軍Ryan是中美混血兒，熱愛煮食的他餐餐煮西餐，自從移民加拿大後，他愛上香港美食，於是毅然回港，展開尋找中菜之旅。而Victoria操得一口流利廣東話，對香港美食趨之若鶩，一心想拜師學藝，鑽研傳統中菜。做事漫不經心的Ryan和一派正經的Victoria，向客家菜、潮州菜、廣東菜、素菜師傅拜師，由基本做起，了解烹調中菜的技巧，投入多姿多采的中菜世界。
未學廚先學紮馬
節目沿用ViuTV最拿手的真人騷形式拍攝，每集以一種基本功為主題，記錄二人拜師學藝經過及各種困難等。每完成一個師傅的訓練課程，必須通過一場考核，合格後才可以跟第二位師傅學藝。Ryan與Victoria先訪客家私房菜吳永皓師傅，但並非先學廚藝，反而紮馬練內功，又要學毛筆，之後才嘗試在廚房做下欄工作，師傅解釋：「係要訓練佢哋嘅體力、耐性，真係少啲決心、毅力都做唔到。」
學廚過程困難重重，師傅教做一味釀豆腐，Ryan拎豆腐上手隨即「粉碎」，但師傅還要他們在豆腐上雕花加大難度。之後兩人又要學洗豬肚、內臟，仲要唧雞鼻涕，Ryan同Victoria看到這一幕都不禁嚇到大叫：「Disgusting（討厭）！」不過他們最終克服接觸內臟的恐懼，成功煮出一味古法豬肚雞。
炒飯炒到喊
Ryan與Victoria又學人燒乳豬，拎住十磅重的乳豬，在火爐邊燒幾個鐘，既練臂力又練毅力。兩人又走到大牌檔學炒飯，面對滾油猛火，仲要打風落雨，Victoria驚到差點落淚，直呼中菜不易煮。最後兩位小廚師更去大西北學習即將失傳的中菜，例如粿汁、孜然豬寸骨、客家燜豬肉、南乳炸門鱔等。最後為了一展所學及答謝各位師傅，Ryan及Victoria設謝師宴，將所學融會貫通，炮製一頓中國盛宴。
文：音樂組
《鬼鬼地‧煮乜簋》
播映日期︰2017年11月23日起
播映時間︰逢星期四晚上10時半
播映頻道︰ViuTV 99台