胡敏珊愛追靚仔韓星

名媛胡敏珊昨晚現身慈善電影優先場，該電影由韓星金秀賢主演，她透露是位熱愛金秀賢的好友邀請她出席。問到看色情戲份會否感到尷尬，她笑言：「唔會啦，黑麻麻冇人知。（鍾意韓仔？）都冇咩女仔唔鍾意，之前鍾意Rain，因為合作過，真係接觸過佢，都送過禮物畀佢，覺得佢真人好靚仔。Big Bang都幾得意，之前試過一齊唱K，佢哋睇落雖然似偶像派，但接觸咗一定會加分。（搵男友要似Rain？）唔得，會好心驚膽戰，但好難講，做朋友OK。」提到工作近況，她透露下周會與品牌合作，舉行一個關於生物科技加天然的美容發布會。