許廷鏗諗定攞獎致謝詞
許廷鏗早前獲電台安排「神奇之旅」到馬來西亞睇五月天演唱會及新加坡睇太陽演唱會，被指與電台關係不錯，有傳有助他在叱咤頒獎禮有獎攞。他昨日在電台訪問中說：「唔係咁計。（係咁計噃！）咁都希望嘅，話咁快就年底，又趕到出碟，算係有交代。」
今年加盟華納唱片公司的他坦言：「真心想攞一啲關於唱片嘅獎，因為今次碌咗好多人情卡，搵咗林夕、伍樂城、王雙駿幫手，有機會上台記得要多謝佢哋。（到時會唔會爆喊？）見到朋友攞獎就喊，睇番都覺得自己《原來我可以哭…》得咁樣衰。（喺屋企對住鏡練喊靚啲？）都要喇！」