陳瀅獨居 搬3,000萬豪宅

藝人陳瀅與何雁詩及劉佩玥姊妹情深，有屋齊齊住，惟何雁詩掛住拍拖，已遷出與男友同居村屋，而劉佩玥亦傳有大水喉射住，獨自搬入價值約2,000萬元的半山豪宅。兩姊妹相繼搬出後，雖冇人合租，但陳瀅沒有選擇較平價的單位，反而獨自搬入價值3,000萬元的九龍匯翔道8號The Austin的豪宅，享受單身生活，可見甚為富貴。

冇拖拍陪家人

昨日陳瀅出席品牌活動時透露，聖誕節想放兩個月大假回溫哥華陪家人，但因工作關係，應該只放到兩星期。提到今年單身過聖誕節，她說：「係呀，單身。（幾時拍拖？）好多人催我，問我點解單身。」她表示兩年前到日本愛上滑雪，問到當年是否與舊愛何猷亨同行？她默認：「咁好記性嘅。（佢教你滑雪？）唔係，有請教練。（有機會復合？）呢刻唔會。」又稱二人是朋友，間中會食飯。

放大圖片	陳瀅出席活動後，乘車返回豪宅新居。

此外，她透露剛試完陳嘉寶（Anjaylia ）婚禮的姊妹裙，並笑說：「要索啲，溝兄弟團，我當Anjaylia係妹妹，佢都結婚喇，身邊啲人都結婚，我係咪好失敗？」活動後，她乘七人車回豪宅，保安見到陳瀅亦自動開門。

文：名人組

攝：追蹤組