停學三個月闖影壇 鍾麗緹7歲囡囡吊威吔小無畏
性感女神鍾麗緹（Christy）的7歲半細女張凱琳（Cayla）既可愛又表情多多，而且表演欲強，日前更首登大銀幕拍古裝片，要吊威吔又要坐屋頂拍攝，完全不畏懼，還大呼好玩。Cayla為今次拍攝專誠停學三個月，Christy為免女兒學業受影響，請私人老師貼身教授。
Christy不時在網上放閃，大晒與囡囡的溫馨照，而三名囡囡亦盡得真傳，是圈中矚目的星二代。最近細女Cayla初登大銀幕，被力邀拍內地電影《精靈‧格格》。愛女心切的Christy曾多次詢問女兒意願，眼見Cayla堅定地表示想試演，亦惟有尊重及支持女兒選擇：「我有同佢解釋拍戲其實好辛苦，要記好多嘢，要好用功，但佢依然好想試，所以我都尊重佢，接咗呢個角色。」
人細膽大喊戲逼真
Cayla在戲中飾演格格，巧遇外星人，題材新鮮，Cayla亦大感有趣，Christy說：「佢好鍾意，學嘢好快，佢拍攝時我因為有其他工作，唔可以成日陪佢，助手就成日Update佢嘅情況，有次助手Send咗場佢喊嘅片畀我，佢喊得好真，我之後有問佢點解喊得咁慘，佢話：『喊嘅時候，諗緊如果我爹哋、媽咪真係唔喺度，我點算好？』佢都真係好鍾意拍戲，又唔怕攰，個人又大膽，坐屋頂拍都唔怕高，仲話好鍾意吊威吔。」
私人老師貼身授課
雖然女兒似乎有意入娛樂圈，但Christy卻未有此打算：「暫時唔會再接，只此一次，到大個啲先再算。」為了拍戲，Cayla要停學三個月，一向想女兒以學業為重的Christy，不想女兒功課受影響，專程請了私人老師教授，Christy說：「我都擔心佢學業，唔返學跟唔上功課，所以請咗私人老師，一有時間就教佢讀書，Keep住學業。」
文：名人組