李思欣首飾網店再蝕驚執笠

藝人李思欣前晚與老公范振鋒及名模琦琦出席珠寶展覽會。思欣早前搞網上首飾生意,但受近年零售業市道低迷影響,她大呻生意差強人意,坦言要諗計谷宣傳:「今年生意好差,一個月賣得一、兩件首飾,要諗辦法睇點樣宣傳。(有冇蝕?)一定冇得賺。(再蝕會否結業?)希望唔會,我唔想,但驚驚哋。」范振鋒則因太忙沒理會老婆的生意,問到老婆做首飾生意,是否少買首飾給對方?他表示早前花六位數字買鑽石手鐲送給生日的思欣。

琦琦奪跨界明星獎

剛開始做珠寶生意的琦琦則透露,於北京首次以設計師身份奪跨界明星獎,又表示生意供不應求:「諗住過兩年先開店,等有多啲貨先,依家唔夠貨畀人,個Waiting list好長。」又指老公任達華與囡囡給予不少設計上的靈感,她說:「我有叫佢哋設計,叫囡囡設計一款佢心目中最靚嘅十字架,我整出嚟畀佢做聖誕禮物,佢好開心,老公會畀意見叫佢整其他款,一家人好投入。」文:名人組