龔嘉欣着高踭鞋奔走冇難度

無綫新劇《堅離地愛堅離地》演員龔嘉欣、張振朗及黃心穎,日前晚上在上水開工,吸引不少市民圍觀,十分熱鬧。劇情講述三人在街頭狂奔,趕往茶餐廳尋找胡楓的戲份。張振朗與心穎穿波鞋奔跑,自然冇難度,至於身為女主角的嘉欣,穿三吋高踭鞋跑步仍如履平地,「女一」認真唔易做。

嘉欣自言與張振朗培養出深厚默契:「我望住張振朗造型,成日忍唔住笑,佢見我望住佢就講笑話『係咪已經愛上我呢』,大家開始有嗰種默契。」問到現實中可會考慮與宅男拍拖?她笑說:「最緊要係內在,心地好最重要,有冇錢都冇所謂,公一份、婆一份都好幸福。」