王瑋想人注意歌喉唔介意上圍縮水
前亞姐王瑋前晚在麥花臣場館舉行音樂會，獲不少圈中好友到場支持，當中寶珮如、麥德羅、王維德及黃良昇擔任嘉賓獻唱，而王瑋以黑色透視裝大騷Fit爆身段，更勁歌熱舞晒歌藝。
王瑋騷後受訪時坦言緊張到腦袋一片空白，不知自己表現如何。問到演出時可有蝦碌事？她笑言：「有呀，有好多，但唔講出嚟啦！」講到她身材很好，她笑言：「其實想瘦多五、六磅，但再瘦就冇力唱歌。（上圍縮水？）係有細到，但唔知幾多，細啲仲好，等啲人注意我唱歌，唔係我身材。」提到現場播出她兒子的生活片段，問到為何兒子未有捧場？王瑋表示兒子正在河南少林寺讀書。
