曹永廉頸纏粗金鏈 蕭正楠谷胸搶Fo

藝人黎耀祥、曹永廉（阿廉）、蕭正楠及黃浩然，現於泰國布吉拍攝節目《公公出埠》，四位型男齊齊以水着上陣，蕭正楠更大晒升Cup上圍，效果澎湃。他們在泳池邊享受邊玩big big channel直播，但着眼點卻不是眾人的泳褲Look，而是阿廉頸上條粗金鏈！直播期間，蕭正楠問大家覺不覺得阿廉條金鏈好俗氣，阿廉即謂：「因為呢條頸鏈係我契細佬買畀我的，佢嘅遺願係叫我戴一戴，我轉頭就會掉o架嘞！」唔通條鏈係蕭正楠送嘅？之後網民又問蕭正楠於泰國有否掛住女友黃翠如，阿廉即謂：「呢度咁多其他女仔，佢點會掛住呢！」眾人即刻大笑。