馮德倫殭屍上身怒咬舒淇

馮德倫與太太舒淇趁萬聖節大晒恩愛，在社交網上載模仿殭屍咬頸的吸血照應景。貴為影后的舒淇更戲癮大發，伏在玻璃前扮驚嚇求救，馮德倫又留言：「萬聖節快樂。」而已為人母的楊愛瑾除將自己打扮成廚師外，連囝囝Luken亦被打扮成龍蝦造型，相當趣致！至於藝人林盛斌（Bob）就在社交網上載一張熄晒燈太太Pearl幫囝囝換片的驚嚇照，更抵死留言：「其實我真係唔需要去玩咩哈佬喂，呢期半夜瞓醒次次都見到龍婆。」而太太Pearl亦發文反擊：「其實我都唔需要去哈佬喂，因為每晚半夜換片時，見到你瞓到成條浮屍咁，我又何嘗唔係有少少瞻仰遺容嘅感覺！」