王祖藍暫別「老表」開Turbo造人
藝人王祖藍、林欣彤、吳沚默及林泳淘等，昨日身穿畢業袍在尖沙咀街頭宣傳劇集《老表，畢業喇！》，吸引大批市民圍觀，眾人輪流與市民合照，又大派海報，場面熱鬧，但主角郭晉安與蔡少芬因事未能現身。
劇集進入結局篇，祖藍大感不捨，表示結局後會相約一班演員開派對相聚，問會否再開「老表系列」？他說：「暫時唔好喇！好吃力！而且我下年好多嘢做。（造人？）都係，應承咗老婆下年要努力，但我又要執導一部電影，投資一部長劇。」
「福祿壽」再合體
談到「獎門人」曾志偉趁無綫明年50周年台慶，將《歡樂今宵》改裝成《我愛EYT》，祖藍透露將與《老表》一眾演員參與一集：「其實『福祿壽』都就嚟10周年，我哋下年會合體做節目，今次EYT本身獎門人做10集，但佢突然話搞唔掂，叫我哋福祿壽頂5集，結果即係我要做6集！唔緊要啦！當係為福祿壽做預熱。」
至於難得拍劇的林欣彤表示，若有合適角色願意再作嘗試：「開頭我驚累街坊，好在出嚟反應都OK，但我覺得自己未夠好，有時太緊張，講長對白掛住背，應該放鬆啲。（可以再演搞笑？）唔敢，好大壓力呀！不過開心拍喜劇可以發放正能量。」
文：影視組