經理人范振鋒：佢每個月有糧出！

林作早前宣布將與范振鋒合作，簽約娛樂公司做藝人，但不到幾天就透露陷財政危機。身為林作新經理人的范振鋒，對於其財務問題表示不知情：「大家傾完係一拍即合，不過佢財政問題我就冇問，佢亦都冇講。（簽約就有錢？有冇問公司借糧？）唔係，只係一份承諾，一個時間內可以賺到幾多錢，不過我哋都有包薪畀佢，每個月有糧出。（幫佢接Job搵快錢？）唔會，佢呢啲有腦嘅人係冇得逼，佢加入前都做緊教育界代言人，所以唔擔心佢。」