馮盈盈：唔會做作爆金句！

前香港小姐冠軍馮盈盈在無綫節目《#後生仔傾吓偈》不時語出驚人爆金句，曾驚爆「原來你係處（男）」引起網民熱烈討論，並輯錄成「馮盈盈語錄」。

覺得被嚇親

盈盈與KOL馬景華（Kelvin）齊齊受訪，講到網民對她的驚爆言論另眼相看，並欣賞其真性情及大膽言論，盈盈對於備受歡迎笑言反而被嚇親：「日日都有人話好Buy我，鍾意我咁嘅風格，其實自己都係將真實感受講出嚟，唔會就住就住，大家可能覺得咁幾新鮮。」

受寵有壓力

Kelvin則說：「其實盈盈講嘅嘢幾貼地，又唔係不雅，都係搞氣氛，佢平時都係咁，幾欣賞佢做番自己。」講到金句大受歡迎，盈盈強調不會特意設計金句，她說：「係有啲受寵若驚，不過都有壓力，好似大家期待每集都有啲金句、爆點，但係我哋唔係寫定稿、去作、去諗定一啲金句，自己亦唔會為咗爆而去做作。」

馮盈盈與馬景華拍檔做節目。

馮盈盈強調唔會為金句而爆金句。

文：影視組

攝：鄭家俊