麥皓兒同愛貓共患難

藝人麥皓兒（Joey）養了一隻名為Guji的英國長毛貓，Joey表示愛貓性格樂天，與眾不同：「因為貓畀人嘅感覺都係比較高傲，唔會理人，但Guji就好鍾意畀人抱同同人玩，每次當你哄埋去嘅時候，佢就會發出咕咕聲，代表佢好開心。正因為佢成日發出咕咕聲，就改咗Guji呢個名。」她指雖然Guji是「男生」，但經常會為他戴上花花頸圈拍照：「最搞笑係Guji並唔抗拒，仲不停發出咕咕聲，因為佢覺得係同佢玩，佢不知幾鍾意，所以真係好搞笑。」問到與Guji有何難忘經歷？她直言因愛貓有皮膚問題，被Guji傳染後感覺像一起同甘共苦：「雖然我嘅情況唔係好嚴重，不過我哋一齊睇醫生食藥，感覺好似一齊共患難，而嗰時就係我最忙照顧佢嘅時候，幫佢抹完藥水，就到我食藥，不過幸好我哋都好快一齊好番。」