伊蓮娜露Bra搶「峰」頭 狄高達食回頭草：邊個舊愛先？

【馮雪怡紐約直擊】曾於電影中大方晒Fit爆身材的狄高達，昨日與52歲《色慾都市》（Sex and the City）女星莎拉謝茜嘉柏加（Sarah Jessica Parker）及31歲俄羅斯超模伊蓮娜（Irina Shayk），於紐約出席內衣品牌Intimissimi旗艦店開幕活動。以閃爆連身裙示人的狄高達，未如透Bra的莎拉與露Bra的伊蓮娜般搶「峰」頭，但晒腿上陣依然養眼！

收藏內衣當寶

雖然封胸示人，但狄高達受訪時大方分享最喜愛的內衣款式，自言最愛穿着舒適及有美感的內衣：「我鍾意着靚嘅嘢上身，好愛服飾嘅手藝！」問到內衣是否女性的性感象徵？她以秘密小寶藏來形容：「對女人嚟講就好似一個秘密小寶藏，係一啲可以收藏嘅寶物，而且好個人、好私密。」又自爆與代表作《格雷》系列中的角色「Anastasia」有相似之處，未知是否火辣一面？不時四圍飛的狄高達被問到將來會否來港旅遊，她即興奮表示曾經到香港，但只限於機場，希望有一天 來港見識！

狄高達與集團Calzedonia創辦人及行政總裁Sandro Veronesi合照。	莎拉年過半百，但身材老而彌「堅」！	伊蓮娜面對咁多內衣，唔知有冇心動揀番件呢？

至於感情生活，狄高達近日先後傳撻着視星Jon Hamm與歌手Chris Martin，又被指與拍拖兩年、但今年初甩拖的歌手Matthew Hitt翻撻，問到是否與「前男友」復合，她不但未有拒答，更搞笑反問：「邊個前男友先？」經理人最後出手「擋駕」，未知狄高達「花落誰家」？

Angela透視上陣，養眼度更勝晒腿的Bojana ！

Bojana

另外，活動獲大批火辣模特兒撐場，Angela Ruiz一襲噴血透視裝夠晒吸睛，與盡騷長腿的Bojana Krsmanovic有得揮！