分開方知這是愛 at17缺一不可合體玩Feel!

組合at17的盧凱彤和林二汶相隔七年後,於今年十二月再度合體開騷。日前二人接受《娛樂onShow》訪問,大談分開發展後的感覺,更分享今次演唱會希望能重拾昔日at17的感覺予大家,又坦言分開方知這是愛,更笑指對方是大家的「骨膠原」,是身體不可缺少的一部分。

由盧凱彤(Ellen)和林二汶組成的at17於2010年宣布暫時分開,各自獨立發展,由往日互相扶持至事事獨力承擔,二人坦言起初絕不適應,因此更明白對方的重要性,猶如身體的「骨膠原」,故今次再度合體,一切盡在不言中。

獨腳戲感孤單

日前二人接受東網巨星《娛樂onShow》主持陳振安訪問,談到相隔七年再度合作,感覺如何?二汶指起初沒有對方在身邊,大感孤單:「最初分開嗰幾年,過嘅日子係特別難,尤其係當剩番你自己一個喺個台,冇咗Ellen彈結他,只有個伴奏錄音,好似少咗啲嘢,覺得自己一個喺台上就好奇怪,所以就講多啲笑,令到個感覺好似冇咁奇怪。」而Ellen則直言以往有二汶在身邊搞氣氛,但當剩下自己時,即不懂得怎樣和樂迷互動:「我唔識得點樣喺台上吹水,或者用輕鬆嘅手法同樂迷互動,所以就會令到成個表演好悶。」二人經過分開後,不但體會到對方的重要性,更珍惜再度合作的時光。

唱出新味道

談到是次「合體」會否呈現不同的一面予樂迷,Ellen透露不需要有特別改變,想重拾舊日at17的感覺:「我哋會用番以前嘅班底做呢個騷,想呈現番以前at17好玩嘅感覺畀大家,不過其實大家把聲都有唔同,所以重聚嘅時候已經係一種改變,唔需要刻意去呈現一種新嘅感覺出嚟。」而二汶透露隨着大家年紀的變化和心態上的轉變,較以前更了解自己唱甚麼,故不用有特別轉變,因為唱出來的效果味道,必定會有所不同。另外,二人亦分享今次演唱會的主題,想知道更多?就立即Click入東網巨星收睇《娛樂onShow》啦!

文:專案組

Wardrobes:Sport b.

場地:All-in Burger&Bar

林二汶

Make up:micky choy@such a good...

Hair:Derrick Ng@M R K Duty

盧凱彤

Make up:Vanessa Wong

Hair:Cyrus Sit@Salon Amarone