譚校長睇好閻奕格:咪咁早結婚!

閻奕格昨日舉行新碟發布會,獲重量級嘉賓校長譚詠麟撐場,校長表示當年早已留意對方參賽,並送上「大紅」扇祝賀,但笑言不是大葵扇,叫對方不要太早結婚!

歌手閻奕格(Janice)昨日為首張個人專輯舉行全亞洲發片記者會,席間播放圈中好友的祝賀,包括鄭嘉穎、謝天華及胡琳等,之後陳淑芬上台讚她即感動落淚。接着校長譚詠麟以神秘嘉賓身份現身,他先扮變聲與Janice玩「猜猜我是誰」遊戲,之後出場送上寫有「大紅」的親筆簽名大扇,祝對方「愈撥愈紅」,校長不忘抵死笑說:「唔係大葵扇,唔好咁早結婚住。」期間Janice宣布將於12月12日在九展開騷,贊助商兼「港產陀飛輪」萬希泉創辦人沈慧林向她送手錶,最後歌迷送花及杯令Janice再度感動哽咽。

等7年出碟

校長與Janice一同受訪,校長直言很早前聽說對方上過台灣歌唱比賽節目《超級星光大道》:「睇番個節目覺得佢好有潛力,但唔知點解等咁耐先出碟。」Janice解釋因進修,又患上內分泌失調及抑鬱症,花兩、三年調理身體,故現時會更珍惜機會。

問到校長可會擔任Janice個唱嘉賓?他說:「有機會,佢開口請就得,我到時會請定假去睇騷。」問到可會向對方提供Tips?校長即大讚:「佢萬能!之前喺溫拿演唱會有合作過,佢唱我哋啲歌好好。」談到Janice等待7年才出碟,她感謝一直支持她的人,大家見過脹到70多公斤的她,校長即笑說:「唔緊要,我啱啱上紅館時都係70幾公斤,依家唔止添啦。」Janice表示回港開騷最開心是可以多唱廣東歌。此外,談到日前校長與李克勤兩家人到台灣旅行,他笑言是去玩。

文:音樂組