徐綺雯潮媽愛網購
模特兒徐綺雯（Candy）去年誕子後火速收身，早前赴韓急不及待入貨，狂掃不少流行服飾，她說：「今年流行間條衫，但我唔鍾意橫間，而且直間視覺上顯瘦啲，所以好鍾意呢件直間、一字膊上衣，方便我餵奶！」另外，她添置不少冬裝，又指今年秋冬流行民族風：「白色毛毛背心，加插民族色彩嘅橫間，好易襯。」
此外，Candy表示產子後甚少行街買衫，因此愛上網購的方便：「依家大部分衫都網購！Oversize jacket亦好流行，例如粉紅色校園風外套，做咗媽咪都可以Young！」另外，Candy十分欣賞韓國眼鏡品牌Gentle Monster：「呢個牌子係Asian Fit而好受歡迎，我個鼻唔高，戴歐洲牌子眼鏡唔夠靚，今次喺韓國買咗幾款！」
