周國賢演唱會加場多謝阿媽

歌手周國賢昨日為12月舉行的麥花臣演唱會舉行記者會，獲父母到場支持，並宣布加開12月14日一場，合共3場。他表示門票反應熱烈，最大功勞應該是媽咪，因為媽咪忙為親戚撲飛，整晚冇瞓：「我哋新加坡有70、80個親戚，佢哋話到時會嚟捧場，差唔多可以包起成架飛機。」他亦謂今次是有史以來開得最多場的個唱，笑言以為自己開緊紅館騷，並自爆每月都有入紙紅館，希望取得明年夏天的檔期。