「仙氣女神」簡淑兒（Jessica）前晚上載雙腿瘀傷照，並留言：「係花咗少少…但係開心嘅，開始有啲進步！」網友表示戥她心痛，又叫她搽去瘀藥膏。Jessica受訪時透露下周赴日本拍旅遊節目及參加國際障礙賽：「平時啲人用半年時間訓練，但我收到通知時得番一個月，依家擺好多心機日日練。」跟教練操體能的她坦言體力較輸蝕：「教練擔心我唔夠氣力，叫我食多啲嘢。」雖然雙腳瘀兼有少許擦傷，但Jessica不擔心留疤。