憑無綫節目《3日2夜》彈起的黃文意，原來「禾稈冚珍珠」有個超級富爸爸，一班有份做該節目的藝人，都對黃文意超級背景大感愕然，張曦雯說：「見到佢嘅時候，佢嘅衣着都冇話好特別，係正常返工衣着，所以真係唔知佢屋企嘅背景原來咁勁！」
陳婉衡則稱跟黃文意只是同事關係，並不熟落：「我識佢但唔熟，唔知佢屋企有錢，我知道佢負擔得起一個人搬出嚟住。」問陳婉衡是否收收埋埋也來自大富之家？她笑言：「我屋企絕對唔係有錢，如果話係小康，都係好小康，我之前喺加拿大返嚟香港，都係屋企人接濟，但我唔可以淨係靠屋企，所以都要成日要計住點樣收入與支出平衡。」